في الدرس الثالث عشر نتعلم إيقاع جديد وهو إيقاع الوحدة الكبيرة.
ناصر سلامة:
"مرحبا أنا ناصر سلامة من إعزف دوت كوم واليوم إحنا معكم في الحصة رقم تلطعش لآلة الطبلة.
اليوم رح نحكي عن إيقاع اسمه إيقاع الوحدة الكبيرة بديش أحكيلكم كيف بنعد وكيف بنكتب وكيف وكيف وكيف لأنه هدا الإيقاع أسهل إشي بمجتمعاتنا أنه نحسه، هدا الإيقاع هو (يعزف الأستاذ ناصر التمرين على الطبلة) أوكي وين منسمعه في كل أغاني أم كلثوم ممكن تسمعوه في الأغاني الرايقة والهادية بتسمعوه، في القوالب الموسيقية في قالب البشرف في الموسيقى الشرقية ممكن يستعمل ففي شوية موشحات وأدوار تم كتابتها على هدا الإيقاع خلينا نفكر شوي شوي في هدا الإيقاع هدا الإيقاع هو عبارة عن دُم وحدة هي الضغط الأساسي وتكّين بيجوا في النص (يعزف الأستاذ ناصر التمرين على الطبلة ويقرؤه قراءة إيقاعية).
تعوا نلعب فيه شوي (يعزف الأستاذ ناصر التمرين على الطبلة) سك (يعزف الأستاذ ناصر التمرين على الطبلة) كمان (يعزف الأستاذ ناصر التمرين على الطبلة) هلأ هدا الإيقاع إذا سرعناه بتحول للف تعوا نسرعه عشان نشوف لكن في التمرين لازم تنتبهوا انه تضلكم على سرعتكم عشان يضل إيقاع وحدة (يعزف الأستاذ ناصر التمرين على الطبلة) أوكي (يعزف الأستاذ ناصر التمرين على الطبلة) هدا كان إيقاع الوحدة.
في إيقاعات مستنبطة أو مربوطة بإيقاع الوحدة إيقاع اسمه شوي صعب اسمه الشفتتلّي وفي إيقاع اسمه السنباطي هدول رح نتعرف عليهم الحصة الجاي من إعزف دوت كوم."
